Friday, April 3, 2009

സ്വാത് വീണ്ടും...

പ്രാകൃതമായ വിശ്വാസങ്ങളുടെ പേരില്‍ ശുദ്ധതോന്ന്യാസം വീണ്ടൂം!

സ്വാതില്‍ പതിനേഴുകാരിയായ ഒരു പെണ്‍കുട്ടിയെ ചാട്ടവാറിനടിക്കുന്ന രംഗം താലിബാന്‍ പുറത്തു വിട്ടിരിക്കുന്നു....

ഇവിടെ ലിങ്ക് ഇടേണം എന്നു കരുതിയതാണ്... വയ്യ.... സഹിച്ചില്ല കണ്ടിട്ട്...

കൈയും കാലും മുറുകെ പിടിച്ച് നിലത്ത് കിടത്തി ചാട്ടവാറുകൊണ്ടടിക്കുന്നു... അവള്‍ ഉറക്കെ നിലവിളിക്കുന്നുണ്ട്. അടിക്കുന്നവനോ പിടിച്ചു വെച്ച കൊടുക്കുന്ന സ്ത്രീക്കോ അവളുടെ സഹോദരനോ ചുറ്റും കൂടി നില്‍ക്കുന്ന കുറേ ഷണ്ഢന്മാര്‍ക്കോ ആ കരച്ചില്‍ ഒന്നും ഒരു പ്രശ്നമേയല്ലേ...

ബാംഗ്ലൂരില്‍ സ്ത്രീകള്‍ക്ക് നേരെ ശ്രീരാമസേനയുടെ അക്രമം അഴിഞ്ഞാട്ടം..സ്വാതില്‍ അത് താലിബാന്‍....

ഒരു വ്യത്യാസവുമില്ല രണ്ടും തമ്മില്‍..... പാകിസ്ഥാനിലെയും അഫ്ഗാനിസ്ഥാനിലേയും അതേ അവസ്ഥയാവും നാളെ ഇന്ത്യയിലും. ഹിന്ദുവര്‍ഗീയവാദികള്‍ അതിനു വേണ്ട കോപ്പുകള്‍ കൂട്ടുന്നുണ്ട്....

അനങ്ങാന്‍ വയ്യാത്ത വിധം കൈയും കാലും ചേര്‍ത്ത് പിടിച്ച് ചാട്ടവാറിനടിക്കാന്‍ മാത്രം ആ പെണ്‍കുട്ടി എന്ത് തെറ്റ് ചെയ്തു?

പതിനേഴ് വയസുള്ള ഒരു കുട്ടി ഇനി എന്തെങ്കിലും തെറ്റ് ചെയ്തെങ്കില്‍ തന്നെ(പിന്നെ എന്ത് തെറ്റ് ചെയ്തെന്നാ ഈ പറയുന്നത്..?) ഇങ്ങനെയാണോ ശിക്ഷ!

നടക്കട്ടെ നടക്കട്ടെ... ശരീഅത്തും മനുസ്മൃതിയും കല്പനകളും ഒക്കെ നടപ്പാക്കട്ടെ....
ദൈവത്തിന്റെയും നാളെ ലഭിക്കാന്‍ പോകുന്ന സ്വര്‍ഗങ്ങളുടേയും പേരില്‍ മനുഷ്യന്റെ ജീവിതം നരകതുല്യമാക്കാം നമുക്ക്......
:( :( :(


"ആദ്യം അവര്‍ മുസ്ലീങ്ങളെ തല്ലാന്‍ നിങ്ങളെ കൂട്ടുപിടിയ്ക്കും, പിന്നെ പള്ളിപൊളിയ്ക്കാന്‍, പിന്നെ ബീഫ് തിന്നുന്നവനെ തല്ലാന്‍, പിന്നെ പബില്‍ പോകുന്നവനെ കൊല്ലാന്‍, അങ്ങനെയങ്ങനെ അവസാനം അവനല്ലാത്തവനെയെല്ലാം തിരഞ്ഞ് പിടിച്ച് അവന്‍ തല്ലും, ഭാരതം ഹൈന്ദവതാലിബാനാക്കും.കുറിയിടാതെ നടന്നാല്‍ ചാട്ടവാറടിയും സീമന്തരേഖയില്‍ സിന്ദൂരമണിയാത്ത സ്ത്രീകളെ പരസ്യമായി തലവെട്ടാനും വിധിയ്ക്കും.അമ്പലത്തിലെ ദീപാരാധനയ്ക്ക് പോകാത്തവരെ ചത്താല്‍ ദഹിപ്പിയ്ക്കിക്കില്ലെന്ന് വിധിയ്ക്കും. സംശയിയ്ക്കേണ്ട, ലോകത്തെമ്പാടും യാതൊരു സംശയവുമില്ലാതെ ഫാസിസ്റ്റ് ഗ്രൂപ്പുകളുടെ സ്വാഭാവികപരിണാമം അങ്ങനെയാണെന്ന് ചരിത്രം പഠിപ്പിയ്ക്കുന്നുണ്ട്. ഭാരതത്തിലും അത് ആവര്‍ത്തിയ്ക്കും. "

മുകളിലെ വാക്കുകള്‍ അംബിയുടെ എന്റെ നാടുണരേണമേ ദൈവമേ എന്ന പോസ്റ്റില്‍ നിന്നും....

നമ്മുടെ നാടിന്റെ ഭാവിയെക്കുറിച്ചോര്‍ത്ത് ഭയമാകുന്നു....

CopyLeft Information

Singularity എന്ന ബ്ലോഗില്‍ പ്രസിദ്ധീകരിക്കുന്ന ലേഖനങ്ങള്‍ എല്ലാം പൊതുതാല്പര്യാര്‍ത്ഥം ഉള്ളതാണ്. അവ ലേഖകന്റെ അനുമതി കൂടാതെ തന്നെ വാണിജ്യപരമോ വാണിജ്യേതരമോ ആയ എന്താവശ്യത്തിനും ഏതൊരാള്‍ക്കും എപ്പോഴും എത്ര തവണ വേണമെങ്കിലും മാറ്റങ്ങളോടെയോ അതേ പടിയോ ബ്ലോഗിലോ ഇതരമാധ്യമങ്ങളിലോ സ്വതന്ത്രവും സൌജന്യവുമായി ഉപയോഗിക്കാം. മാറ്റം വരുത്തുന്ന പക്ഷം അതില്‍ ഈ ലേഖകന്‍‍ ഉത്തരവാദിയല്ല. പുനഃപ്രസിദ്ധീകരിക്കുന്ന കുറിപ്പിനൊപ്പം മൂലലേഖനത്തിന്റെ രചയിതാവു് എന്ന സ്ഥാനം ലേഖകനു് നല്‍കുന്നതു് അഭികാമ്യം. എന്നാല്‍ ഇതു് നിബന്ധനയല്ല. മറ്റൊരാളുടെ പേരു് പകരം കൊടുക്കാന്‍ അനുമതിയില്ല. വീണ്ടും ഉപയോഗിക്കുന്ന പക്ഷം ആ വിവരം ലേഖകനെ അറിയിക്കണമെന്നും ഈ പകര്‍പ്പുപേക്ഷാപത്രം ഒപ്പം നല്‍കണമെന്നും താത്പര്യപ്പെടുന്നു.