Sunday, September 22, 2013

പ്രായമെന്നല്ല, വിവാഹം തന്നെ ഒരു പ്രശ്നമാണ്.

എത്രാമത്തെ വയസില്‍ കെട്ടിച്ചുവിടുന്നു എന്നത് മാത്രമല്ല എത്രാമത്തെ വയസിലായാലും  കെട്ടിച്ചുവിടപ്പെടേണ്ട ചരക്കുകളാണ് പെണ്‍കുട്ടികള്‍ എന്ന ചിന്തയില്‍ തന്നെയാണ് പ്രശ്നകാരണം  കുടിയിരിക്കുന്നത്. പതിനെട്ട് വയസു തികയും  മുന്പേ തന്നെ തങ്ങളുടെ പെണ്‍കുട്ടികളെ കെട്ടിച്ചുവിടാന്‍ അവകാശമുണ്ടായിരിക്കണം  എന്ന് വാദിക്കുന്ന ചില മുസ്ലീം  സമുദായനേതാക്കളും  പതിനെട്ട് വയസു തികഞ്ഞേ എന്റെ മകളെ ഞാനാര്‍ക്കെങ്കിലും  കെട്ടിച്ചു കൊടുക്കൂ‌ എന്ന് വീമ്പിളക്കുന്ന ഇതരമതസ്ഥനായ അച്ഛനും  തമ്മിലുള്ള അതിര്‍വരമ്പുകള്‍, അതിനാല്‍ത്തന്നെ, വളരെ നേര്‍ത്തതുമാണ്.  (അടിയന്തിരമായി പക്ഷേ ശ്രദ്ധ പതിപ്പിക്കേണ്ടതും  എതിര്‍ത്തില്ലാതാക്കേണ്ടതുമായ പ്രശ്നം  തന്നെയാണ് ബാല്യവിവാഹം , അതില്ത്തര്ക്കമില്ല).

ലിംഗപരമായ വിവേചനത്തിന് മതം  തീര്‍ക്കുന്ന പ്രതിലോമപരമായ അന്തരീക്ഷത്തില്‍  നിന്നും  വ്യതിരിക്തമായിത്തന്നെ കാരണങ്ങളുണ്ട്. അവയെ നേരിടേണ്ടതുമുണ്ട്.  അതേ സമയം  ഏത് പിന്തിരിപ്പന്‍ ആശയങ്ങളെയും  പ്രസരിപ്പിക്കാന്‍ ഉപയോഗിക്കാവുന്ന ഏറ്റവും  നല്ല ചരക്കാണ് മതങ്ങളും  വിശ്വാസസംഹിതകളും എന്നത് കാണാതെ പോവുകയും  അരുത്. ഒരര്‍ത്ഥത്തില്‍ മതസംഘടനകളും  ക്ലര്‍ജിയും  എടുക്കുന്ന ഇത്തരം  നിലപാടുകള്‍ ആഹ്ലാദകരമാണ്. കാരണം  ഏറെയാളുകള്‍ മാറിച്ചിന്തിച്ചു തുടങ്ങുന്ന പുതിയ കാലത്തില്‍ ക്ലര്ജിയുടെ പിന്തിരിപ്പന്‍ നിലപാടുകള്‍, മതത്തില്‍ നിന്നും  മാറിച്ചിന്തിക്കാന്‍ കുറേയേറെപ്പേരെ പ്രേരിപ്പിക്കാന്‍ സാധ്യതയുണ്ട്. പക്ഷേ മതസംഘടനകളുടെ ഈ നീക്കങ്ങള്‍ക്ക് ഇരയാകപ്പെടുന്നവരെ മറക്കാന്‍ സാധിക്കില്ല. അവര്‍ക്കു വേണ്ടിയെങ്കിലും  പൊരുതിത്തോല്പിക്കേണ്ടതുണ്ട് ഈ ശിലായുഗയുക്തികളെ...

CopyLeft Information

Singularity എന്ന ബ്ലോഗില്‍ പ്രസിദ്ധീകരിക്കുന്ന ലേഖനങ്ങള്‍ എല്ലാം പൊതുതാല്പര്യാര്‍ത്ഥം ഉള്ളതാണ്. അവ ലേഖകന്റെ അനുമതി കൂടാതെ തന്നെ വാണിജ്യപരമോ വാണിജ്യേതരമോ ആയ എന്താവശ്യത്തിനും ഏതൊരാള്‍ക്കും എപ്പോഴും എത്ര തവണ വേണമെങ്കിലും മാറ്റങ്ങളോടെയോ അതേ പടിയോ ബ്ലോഗിലോ ഇതരമാധ്യമങ്ങളിലോ സ്വതന്ത്രവും സൌജന്യവുമായി ഉപയോഗിക്കാം. മാറ്റം വരുത്തുന്ന പക്ഷം അതില്‍ ഈ ലേഖകന്‍‍ ഉത്തരവാദിയല്ല. പുനഃപ്രസിദ്ധീകരിക്കുന്ന കുറിപ്പിനൊപ്പം മൂലലേഖനത്തിന്റെ രചയിതാവു് എന്ന സ്ഥാനം ലേഖകനു് നല്‍കുന്നതു് അഭികാമ്യം. എന്നാല്‍ ഇതു് നിബന്ധനയല്ല. മറ്റൊരാളുടെ പേരു് പകരം കൊടുക്കാന്‍ അനുമതിയില്ല. വീണ്ടും ഉപയോഗിക്കുന്ന പക്ഷം ആ വിവരം ലേഖകനെ അറിയിക്കണമെന്നും ഈ പകര്‍പ്പുപേക്ഷാപത്രം ഒപ്പം നല്‍കണമെന്നും താത്പര്യപ്പെടുന്നു.